مسلم لیگ (ن) نیوجرسی پاناما کیس میں سرخرو ہونے پر وزیر اعظم کو سلام پیش کرتی ہے ، ناصر بٹ

 

پاکستان مسلم لیگ (ن) نیوجرسی کے تمام ساتھی وزیر اعظم میاں نواز شریف کی قیادت پر مکمل اعتماد کا اظہار کرتے ہیں

نیویارک (پ ر)پاکستان مسلم لیگ (ن) نیوجرسی کے صدر ناصر بٹ نے کہا ہے کہ ہم پاناما کیس میںسپریم کورٹ میں سرخرو ہونے پر وزیر اعظم پاکستان میاں نواز شریف کو سلام پیش کرتے ہیں اور ہر اس نام نہاد سیاسی قائد پر لعنت بھیجتے ہیں کہ جنہوں نے گذشتہ چار سال میںہر لمحہ ملک و قوم کی ترقی کا راستہ روکنے کی کوشش کی ۔ ان کی ہر کوشش کی طرح ان کی ماضی کی طرح مستقبل میںبھی سیاست کو عوام مسترد کریں گے ۔ ناصر بٹ نے کہا کہ جو لوگ یہ کہتے ہیں کہ دو ججوں نے وزیر اعظم کے خلاف فیصلہ دیا، وہ یہ کیوں نہیں بتاتے کہ خلاف دینے والے ججوںکے خلاف تین ججوں نے فیصلہ دیا اور جو لوگ یہ کہتے ہیں کہ مستقبل کے چیف جسٹس نے اختلافی نوٹ لکھا ، وہ یہ کیوں نہیں کہتے کہ ان کے بعد مستقبل کے چیف جسٹس بننے والے تین ججوں نے اپنے ہی مستقبل کے چیس جسٹسوں کے خلاف فیصلہ دیا ۔
ناصر بٹ نے کہا کہ سپریم کورٹ کے بعد اب جے آئی ٹی میں شریف فیملی مکمل ثبوت دینے کے بعد سازشی سیاست کرنے والے کے سیاسی تابوت میں آخری کیل ٹھونک دیںگے ۔انہوں نے کہا کہ پاکستان مسلم لیگ (ن) نیوجرسی کے تمام ساتھی وزیر اعظم میاں نواز شریف کی قیادت پر مکمل اعتماد کا اظہار کرتے ہیں ۔

تاریخ اشاعت : 2017-04-21 00:00:00
مقبول ترین خبریں
امیگریشن خبریں
SiteLock