امریکی ویزہ پاکستان سے جا کر لگواو، کینیڈا میں امریکی سفارتخانہ کا گلوکار عارف لوہارکو جواب

 نیویارک (محسن ظہیر ) پاکستا ن کے معروف گلوکار عارف لوہار کو نو اگست سے شروع ہونے والے دورہ امریکہ کے سلسلے میں ٹورنٹو (کینیڈا) میں امریکی سفارتخانے نے کینیڈا کی بجائے اسلام آباد سے جا کر ویزے کےلئے پیش ہونے کی ہدایت کی ہے ۔ عارف لوہار کے پروموٹر کی جانب سے امریکہ میں ان کے شوز کی پٹیشن منظور کروائی گئی تھی ۔ اس پٹیشن کی بنیاد پر وہ اپنے دورہ کینڈا کے دوران امریکی ایمبیسی میں گئے اور درخواست کی کہ انہیں وہاں سے ہی ویزے جاری کر دئیے جائیں لیکن کینیڈا میں امریکی ایمبسی کے حکام کی جانب سے انہیں جواب دیتے ہوئے کہا گیا کہ وہ اسلام آباد میں امریکی سفارتخانہ جا کر ویزے کی درخواست جمع کروائیں ، وہاں سے ہی ان کے ویزے کا فیصلہ ہوگا۔ عارف لوہار کے امریکی ویزے کے اجراءمیں تاخیر کی وجہ سے امریکہ میں ان کے اعلان کردہ میوزکل شو ز فی الحال ملتوی کر دئیے ہیں ۔

تاریخ اشاعت : 2017-08-04 00:00:00
مقبول ترین خبریں
امیگریشن خبریں

SiteLock