عالمی شہرت یافتہ پاکستانی نژاد برطانوی باکسر عامر خان نے والد شاہ خان کے ساتھ اختلافات ختم کردئیے

 

میں نے اور فریال نے سب کچھ پیچھے چھوڑتے ہوئے آگے بڑھنے کا فیصلہ کیا ہے،باکسر عامر خان

 

لندن: عالمی شہرت یافتہ پاکستانی نژاد برطانوی باکسر عامر خان نے والد شاہ خان کے ساتھ اختلافات ختم کردئیے۔ عالمی چیمپئن عامر خان کی گھریلو زندگی گزشتہ کافی عرصے سے تنازعات میں گھری ہوئی ہے، پہلے ان کی اہلیہ فریال مخدوم نے اپنے سسرالیوں کے ظلم کی داستان سوشل میڈیا پر شیئر کرکے طوفان کھڑا کردیا بعد ازاں عامر خان اور ان کے والد کے درمیان جھگڑے نے میڈیا میں جگہ بنائی۔ تاہم اب عامر خان نے اپنے اہل خانہ کے ساتھ جھگڑے کو ختم کرنے کا فیصلہ کیا ہے اوراس کے لئےعامر نے گزشتہ ہفتے والد کے ساتھ پاک بھارت میچ دیکھ کر 6 ماہ پرانے اختلافات کو ختم کرتے ہوئے فیس بک پر پیغام جاری کیا کہ ’’ہم نے نہ صرف ایک ساتھ میچ دیکھا بلکہ بہت زیادہ انجوائے بھی کیا، ہم دونوں کا ایک ساتھ گزارا گیا یہ وقت بہت شاندار تھا لہٰذا میں نے اور فریال نے سب کچھ پیچھے چھوڑتے ہوئے آگے بڑھنے کا فیصلہ کیا ہے‘‘۔

تاریخ اشاعت : 2017-06-13 00:00:00
مقبول ترین خبریں
امیگریشن خبریں
SiteLock