چوہدری پرویز ریاض امراءکا دورہ پاکستان ، چئیرمین عمران خان سے اہم ملاقات ، ضمیر چوہدری کے بھائی اور دلاور بیگ کے استقبالیہ میں شرکت

 

پاکستان تحریک انصاف نیویارک کے رہنما چئیرمین عمران خان کو نیویارک(امریکہ ) میں پارٹی اور پارٹی ساتھیوں کی سرگرمیوں سے آگاہ کیا اور اہم تنظیمی امور کے حوالے سے ان سے اہم ہدایات بھی لیں


دورہ پاکستان کے دوران اپنی قریبی دوست و کمیونٹی رہنما عدیل گوندل کے بھائی کی شادی کی تقریب میں بھی شرکت کی ، ضمیر احمد چوہدری کے بھائی اور مرزا دلاور بیگ کا خصوصی شرکت ادا کیا

نیویارک(خصوصی رپورٹ) پاکستانی امریکن کمیونٹی اور پاکستان تحریک انصاف نیویارک کے رہنما چوہدری پرویز ریاض امراءنے پاکستان کا اہم دورہ کیا ۔ اس دورے کے دوران انہوں نے پارٹی کے چئیرمین عمران خان سے بنی گالا میں ان کی رہائشگاہ پر تفصیلی ملاقات کی ۔ علاوہ ازیں اپنی قریبی عزیز و دوست ضمیر احمد چوہدری کے بھائی چوہدری فرید احمد کی جانب سے سرائے عالمگیر میں دئیے گئے بڑے استقبالیہ اور یونین کونسل بھڑت (سیالکوٹ) میں یونین کونسل چئیرمین مرزا دلاور بیگ کے ظہرانے میں شرکت کی جس میں پارٹی رہنما ناز بلوچ بھی خصوصی طور پر شریک ہوئیں ۔
چوہدری پرویز ریاض امراءکی بنی گالا میں تحریک انصا ف کے چئیرمین عمران خان سے ملاقات کے موقع پر عمران خان نے انہیں پاکستان آمد پر خوش آمدید کہا اور نیویارک سمیت امریکہ بھر میں مقیم پارٹی ساتھیوں کی خدمات کو سراہا۔ پرویز ریاض امراءنے عمران خان کو نیویارک میں بالخصوص اور امریکہ میں بالعموم پارٹی اور پارٹی کے ساتھیوں کی سرگرمیوں اور کارکردگی سے آگاہ کیا اور پارٹی کے آئندہ لائحہ عمل کے حوالے سے ان سے اہم ہدایات بھی لیں ۔عمران خان نے کہا کہ اوورسیز پاکستانی ملک و قوم کو سرمائیہ ہیں ۔ انہیں یقین دلاتے ہیں کہ تحریک انصاف اپنے اس عزم پر قائم ہے کہ وہ حکومت میں آکر پاکستان میں ایسے بے تحاشہ مواقع پیدا کرے گی کہ دنیا کو روزگار کے لئے بیرون ممالک کی بجائے پاکستان کا رخ کرنا ہوگا۔ انہوں نے کہا کہ اوورسیز پاکستانیوں کو ملک و قوم کے سفیر کا مثالی کردار ادا کرنا چاہئیے ۔
قبل ازیں تحریک انصاف نیویارک کے ساتھی رہنما ضمیر احمد چوہدری کے بھائی چوہدری فرید احمد کی جانب سے سرائے عالمگیر میں چوہدری پرویز ریاض امراءکے اعزاز میں ایک بڑا استقبالیہ دیا گیا جس میں معززین علاقہ کے علاوہ مقامی شہریوں نے بڑی تعداد میں شرکت کی ۔اس موقع پر روایتی گھوڑا ڈانس کے علاوہ بڑی ضیافت کا اہتمام بھی کیا گیا ۔ استقبالیہ سے خطاب کرتے ہوئے پرویز ریاض نے چوہدری فرید احمد اور ضمیر احمد چوہدری کا شکرئیہ ادا کیا ۔ انہوں نے کہا کہ امریکہ سمیت بیرون ممالک میں مقیم اوورسیز پاکستانیوں اگرچہ وطن عزیز سے ہزاروں میل دور رہتے ہیں لیکن پاکستان ان کے دل میں بستا ہے ۔انہوں نے کہا کہ ضمیر احمد چوہدری میرا ایسا بھائی اور ساتھی ہے کہ جس پر میں جتنا بھی فخر کروں کم ہے ۔ انہوں نے کہا کہ پاکستان میں بسنے والے ہم وطن اقوام عالم کا سائنس ، تعلیم ، ٹیکنالوجی ،آئی ٹی سمیت ہر شعبے میں مقابلہ کرے اور ملک میں صحت مند رجحانات کو فروغ دیں ۔اس سلسلے میں اوورسیز پاکستانی ان کے دست و بازو بنیں گے ۔
دورہ پاکستان کے دوران سیالکوٹ سے منتخب ہونیوالے تحریک انصاف کے یونین کونسل بھڑت کے چئیرمین مرزا دلاور بیگ نے چوہدری پرویز ریاض امراءکے اعزاز میں اپنے علاقے میں ایک بڑے ظہرانے کا اہتمام کیا جس میں پارٹی کی مرکزی رہنما ناز بلوچ نے بھی شرکت کی ۔ دلاور بیگ نے انہیں پاکستان آمد پر خوش آمدید کہتے ہوئے کہا کہ اوورسیز میں چوہدری پرویز ریاض امرا جیسے ساتھیوں کی کارکردگی پر ہمیں فخر ہے ۔ انہوں نے کہا کہ انشاءاللہ پاکستان اور اوورسیز میں بننے والے ساتھی ملک پارٹی اور ملک و قوم کی ترقی کے ایجنڈے کو آگے بڑھائیں گے ۔
پاکستان میں قیام کے دوران چوہدری پرویز ریاض نے اپنے قریبی ساتھی عدیل گوند ل کے بھائی کی شادی کی تقریب میں بھی شرکت کی اور انہیں سب ساتھیوں کی جانب سے مبارکباد دی اور دولہا دولہن کے لئے نیک تمناو¿ں کا اظہار بھی کیا ۔
۔

تاریخ اشاعت : 2017-02-15 00:00:00
مقبول ترین خبریں
امیگریشن خبریں
SiteLock