پاکستانی سوک ایسوسی ایشن آف سٹیٹن آئی لینڈ کے زیر اہتمام جشن آزادی پاکستان،پولیس کمشنر کی خصوصی شرکت

نیویارک (خصوصی رپورٹ) پاکستانی سوک ایسوسی ایشن آف سٹیٹن آئی لینڈ کے زیر اہتمام عید ملن اور جشن آزادی پاکستان کا 19واں سالانہ اجتماع حسب معمول اس سال بھی یہاں سنگ ہاربر پارک میں منعقد ہوا جس میں اعلیٰ امریکی حکام کے علاوہ ایسوسی ایشن کے عہدیداران پریذیڈنٹ ڈاکٹرمحمد خالد،کو چئیر جاوید سید ،چئیرمین آف دی بورڈشمس سید ، وائس پریذیڈنٹ فارماسسٹ تنویر خان ،جنرل سیکرٹری سعدیہ ملک، بورڈز ممبر اظہر خان ،ثروت شیخ ، ڈاکٹر سنیا خان ، ڈاکٹر شاہین خالد کے علاوہ کمیونٹی کی اہم شخصیات ڈاکٹر یونس ،شاہانہ یونس، شاہد خواجہ ، وحید پراچہ ،ڈاکٹر شمیم سلمان اور PAYSکی ٹیم کے والینٹئیرز نے کاشف حسین اور احسن چغتائی کی قیادت میں بڑی تعداد میں شرکت کی ۔
نیویارک میں اس سال جشن آزادی پاکستان کی اس پہلی بڑی اور پروقار تقریب میں نیویارک پولیس ڈیپارٹمنت کے پولیش کمشنر جیمز او نیل ، قونصل جنرل راجہ علی اعجاز، بورو کمانڈر سٹیٹن آئی لینڈ ایڈورڈ ڈیلیٹرو ، ڈسٹرکٹ اٹارنی سٹیٹن آئی لینڈ مائیک میک ہین، لیفٹنٹ عدیل رانا ، سارجنٹ محمد امین ،آگژلری پولیس کے ناصر سلیم سمیت دیگر پولیس آفیسرز اور پاکستانی امریکن کمیونٹی کی مختلف شعبہ ہائے زندگی سے تعلق رکھنے والی اہم شخصیات اور ارکان نے بڑی تعداد میں اپنے اہل خانہ کے ساتھ شرکت کی ۔
ایسوسی ایشن کے زیر اہتمام گذشتہ 18سالوں سے منعقد کئے جانیوالے اس سالانہ اجتماع میں مختلف شعبہ ہائے زندگی سے تعلق رکھنے والی اہم شخصیات پولیس کمشنر نیویارک جیمز او نیل ،قونصل جنرل راجہ علی اعجاز اور سماجی رہنما نینو اختر کو ان کی خدمات کے اعتراف کے طور پر خصوصی ایوارڈز پیش کئے گئے ۔
تقریب میں نظامت کے فرائض جاوید سید اور سعدئیہ ملک نے ادا کئے ۔پاکستانی سوک ایسوسی ایشن آف سٹیٹن آئی لینڈ کے پریذیڈنٹ ڈاکٹر محمد خالد نے خطاب کرتے ہوئے کہا کہ 19 سالوں سے جاری اس سالانہ اجتماع کا مقصد اپنی آنیوالی نسلوں کو پاکستان ،پاکستانی اقدار ،تہوار اور ثقافت سے آگاہ کرنا ہے۔ ہم سمجھتے ہیں کہ جب ہمارے بچے بڑے ہونگے اور نسلیں پروان چڑھیں گی تو انہیں معلوم ہوگا کہ ان کے والدین ، آباو¿ اجداد کہاں سے امریکہ آئے؟کس حال میں آئے ۔ انہیں یہ بھی معلوم ہوگا کہ ان کے والدین امریکہ اپنے ساتھ کچھ خاص لیکر نہیں آئے لیکن اس ملک میں انہوں نے دن رات محنت کی ، بچوں کی اعلیٰ تعلیم و تربیت کی اور ان کے لئے ایک اچھے مستقبل میں اپنا کلیدی کردار ادا کیا ۔ڈاکٹر خالد نے مزید کہا کہ پاکستانی امریکن کمیونٹی بہت محنتی ، پرامن اور ایماندار کمیونٹی ہے ۔ اس کمیونٹی کی پہلی نسل نے یہاں اپنا مقام بنانے کےلئے سخت محنت کی اور قربانیاں دیں ۔ ہمیں ترقی کے اس سفر کو آنیوالی نسلوں میں منتقل کرنا ہے ۔انہوں نے پولیس کمشنر ، قونصل جنرل ، بورو کمانڈر اور ڈسٹرکٹ اٹارنی سمیت تمام مہمانان خصوصی کا سوک ایسوسی ایشن اور شرکاءکی جانب سے جشن آزادی پاکستان میں شرکت پر شکرئیہ ادا کیا ۔

تاریخ اشاعت : 2017-07-26 00:00:00
مقبول ترین خبریں
امیگریشن خبریں
SiteLock