ٹرمپ انتظامیہ ایک ایسی پالیسی پر کام کررہی ہے جس کا اطلاق پاکستان اور افغانستان دونوں پر کیا جاسکے اور جلد ہی اس پالیسی کا اعلان کردیا جائے گا۔ میک ماسٹر

واشنگٹن: امریکی قومی سلامتی کے مشیر جنرل ایچ آر میک ماسٹر کا کہنا ہے کہ ٹرمپ انتظامیہ ایک ایسی پالیسی پر کام کررہی ہے جس کا اطلاق پاکستان اور افغانستان دونوں پر کیا جاسکے اور جلد ہی اس پالیسی کا اعلان کردیا جائے گا۔ واضح رہے کہ یہ پہلا موقع ہے جب کسی اعلیٰ امریکی عہدے دار نے یہ کہا ہے کہ ٹرمپ کی نئی پالیسی پاکستان کے حوالے سے بھی ہوگی، اس سے قبل سامنے آنے والے تمام بیانات میں اسے افغان پالیسی کا نام دیا جاتا رہا تھا۔

 

وائٹ ہاؤس میں نیوز بریفنگ کے دوران جنرل میک ماسٹر کا کہنا تھا کہ ’آئندہ چند ہفتوں کے اختتام پر ہمارے پاس افغانستان، پاکستان اور بالعموم خطے کے مسائل کے حل کے لیے کہیں زیادہ مؤثر حکمت عملی موجود ہوگی‘۔ مشیر قومی سلامتی کے مطابق انتظامیہ ہزاروں کی تعداد میں اضافی فوجیوں کو افغانستان روانہ کرنے کی پیشکش پر غور کررہی ہے اور صدر ڈونلڈ ٹرمپ اپنے غیر ملکی دورے سے واپس آنے کے بعد اس کا فیصلہ کریں گے۔

تاریخ اشاعت : 2017-05-15 00:00:00
مقبول ترین خبریں
امیگریشن خبریں
SiteLock