ڈونلڈ ٹرمپ کی صدارت کا ایک سال ، امریکہ اور دنیامیں پلچل

 صدارت کے اس ایک سال کے دوران صدر نے کئی ایسے فیصلے کئےجنہوں نے پوری دنیا کو حیران کر دیا۔ڈائریکٹر ایف بی آئی کو فائر کیا، یروشلیم کو اسرائیلی دارالحکومت تسلیم کرنے جیسے اہم فیصلے کئے

صدارت کے پہلے ہفتے میں ہی سات مسلم ممالک کے شہریوں کا 90 روز کے لیے جبکہ تمام ممالک سے مہاجرت کرنے والوں پر 120 دن کے لیے امریکا آمد پر پابندی عائد کرنے کا حکم جاری کر دیا تھا

واشنگٹن (اردو نیوز ) امریکی صدر ڈونلڈ ٹرمپ کی صدارت کو ایک سال مکمل ہو گیا ہے۔ اپنی صدارت کے اس ایک سال میں انہوں نے بہت سے ایسے فیصلے لیے جو دنیا کی تاریخ میں ہمیشہ کے لیے یادگار کہلائیں جائیں گے۔امریکی صدر ڈونلڈ ٹرمپ نے 20 جنوری 2017ءکو امریکی صدر کا عہدہ سنبھالا تھا۔ ان کی صدارت کا ایک سال مکمل ہوگیا ہے۔ صدارت کے اس ایک سال کے دوران امریکی صدر نے کئی ایسے متنازعہ بیانات اور فیصلے دیے جنہوں نے پوری دنیا کو حیران کر دیا۔ امریکی صدر ڈونلڈ ٹرمپ کے اپنی صدارت کے پہلے سال میں کیے گئے چھ اہم فیصلے یہ ہیں۔امریکی صدر ڈونلڈ ٹرمپ نے اپنی صدارت کے پہلے ہفتے میں ہی سات مسلم ممالک کے شہریوں کا 90 روز کے لیے جبکہ تمام ممالک سے مہاجرت کرنے والوں پر 120 دن کے لیے امریکا آمد پر پابندی عائد کرنے کا حکم جاری کر دیا تھا۔ اس پابندی کے خلاف امریکی شہریوں نے بھی احتجاج کیا مگر امریکی صدر نے یہ پابندی پوری کروا کر ہی دم لیا۔
ڈونلڈ ٹرمپ نے نو مئی کو اچانک امریکی تفتیشی ادارے ایف بی آئی کے ڈائریکٹر جیمز کومی کو ان کے عہدے سے برخاست کر دیا تھا۔ جیمز کومی ٹرمپ کی الیکشن مہم میں ہیلری کلنٹن کو شکست دینے کے لیے روس کی شمولیت پر تحقیق کر رہے تھے۔
یکم جون 2017ءکو امریکی صدر نے اعلان کیا کہ امریکا ماحولیاتی تحفظ کے عالمی معاہدے یعنی پیرس معاہدے سے باہر نکلنا چاہتا ہے لیکن رواں ماہ انہوں نے کہا ہے کہ امریکا اپنی چند من مانی شرائط پوری کئے جانے کی صورت میں واپس اس معاہدے میں شامل ہو سکتا ہےگزشتہ برس اقوام متحدہ کی جنرل اسمبلی میں ڈونلڈ ٹرمپ نے شمالی کوریا کو تباہ کرنے کی دھمکی دی جس کے بعد دونوں ممالک کے تعلقات دوبارہ شدید کشیدہ ہوگئے ہیں۔ڈونلڈ ٹرمپ نے اپنی صدرات کے اس پہلے سال میں امریکی تاریخ میں ٹیکس کی سب سے بڑی کٹوتی کا اصلاحاتی بل بھی نافذ کروایا۔ یہ ٹیکس کے نظام میں 1986ءکے بعد کی جانے والی یہ سب سے بڑی اصلاحات تھیں۔امریکی صدر کا سب سے اہم فیصلہ یروشلم کو اسرائیل کا دارالحکومت تسلیم کرنا تھا۔ یہ کام بھی انہوں نے چھ دسمبر کو کر دیا۔ اس اعلان کے بعد تمام مسلمان ممالک کی طرف سے شدید احتجاج دیکھنے کو آیا۔

تاریخ اشاعت : 2018-01-16 00:00:00
مقبول ترین خبریں
امیگریشن خبریں
SiteLock