قیامت کی نشانی ہے کہ سراج الحق کرپشن کیخلاف پرویز الٰہی اور شجاعت حسین کیساتھ کھڑے ہوکر بات کررہے ہیں، روحیل ڈار

نیویارک (پ ر) پاکستان مسلم لیگ (ن) یو ایس اے کے صدر روحیل ڈار نے جماعت اسلامی کے امیر سراج الحق کی چوہدری شجاعت حسین اور چوہدری پرویز الٰہی سے ملاقات کے دوران وزیر اعظم میاں نواز شریف پر کی جانیوالی تنقید کو مسترد کرتے ہوئے کہا ہے کہ یہ قیامت کی نشانی ہے کہ سراج الحق کرپشن کیخلاف چوہدری پرویز الٰہی اورچوہدری شجاعت حسین کیساتھ کھڑے ہوکر بات کررہے ہیں۔

 

انہوں نے کہا کہ ایک ڈکٹیٹر کو سو بار وردی میں صدر منتخب کروانے کا حلف اٹھانے والا اور دوسرا ڈکٹیٹر کو ایوان صدر میں گارڈ آف آنر پیش کرنے والا وزیر اعظم میاں نواز شریف کے خلاف باتیں کررہا ہے اور وہ سمجھتے ہیں کہ وہ عوام کو بیوقوف بنارہے ہیں ، وہ احمقوں کی جنت میں رہتے ہیں ۔
سرج الحق، آصف زرداری ،چوہدری شجاعت حسین اور عمران خان کو معلوم ہونا چاہئیے کہ ان کی اسی دوغلی سیاست اور منافقانہ سیاست کی وجہ سے عوام نے گذشتہ الیکشن میں انہیں مسترد کیا تھا اور آئندہ الیکشن میں بھی رہی سہی کسر بھی پوری کر دیں گے ۔ عوام ان کا بوریا بستر گول کر دیں گے

 

روحیل ڈار نے کہا کہ اپوزیشن کا ٹولہ کرپشن کے خلاف نہیں ، یہ میاں نواز شریف کے خلاف ہیں اور یہ میاں نواز شریف کے اس لئے خلاف ہیں کہ ان کو معلوم ہے کہ حکومت کا اگر ملک و قوم کی تعمیر و ترقی اور عوامی فلاح و بہبود کے انقلابی منصوبے پائیہ تکمیل کو پہنچ گئے تو ان کا مستقبل تاریک ہو جائے گا ۔ عوام اپنی اور ملک کی ترقی کی راہ میں آنیوالی پر رکاوٹ کو دور کردیں گے ۔۔

تاریخ اشاعت : 2017-04-24 00:00:00
مقبول ترین خبریں
امیگریشن خبریں
SiteLock