امریکا مسئلہ کشمیر پر ثالثی کے لیے تیار ہے اور ٹرمپ انتظامیہ نے یقین دلایا ہے کہ پاکستان پر کسی دہشت گرد تنظیم کا حملہ برداشت نہیں کیا جائے گا۔ تہمینہ جنجوعہ  

سیکریٹری خارجہ تہمینہ جنجوعہ نے کہا ہے کہ امریکا مسئلہ کشمیر پر ثالثی کے لیے تیار ہے اور ٹرمپ انتظامیہ نے یقین دلایا ہے کہ پاکستان پر کسی دہشت گرد تنظیم کا حملہ برداشت نہیں کیا جائے گا۔ اسلام آباد میں سینیٹ کی قائمہ کمیٹی برائے خارجہ کی چیئرپرسن نزہت صادق کی زیرصدارت اجلاس ہوا ۔

 

اجلاس میں بریفنگ دیتے ہوئے سیکریٹری خارجہ تہمینہ جنجوعہ کا کہنا تھا کہ ملکی خارجہ پالیسی کہیں اور سے نہیں بنتی بلکہ مختلف اسٹیک ہولڈرز بناتے ہیں، پاکستان کے احتجاج کے بعد لندن میں پاکستان مخالف اشتہارات اتار دیے گئے ہیں۔

 

اجلاس کے دوران سیکریٹری خارجہ کا کہنا تھا کہ افغانستان کے 45 فیصد علاقے پر حکومت کا کوئی کنٹرول نہیں، صوبہ کنڑ اور دیگر افغان علاقوں میں دہشت گردوں کی محفوظ پناہ گاہیں ہیں۔ انہوں نے بتایا کہ حقانی نیٹ ورک کو پاکستان میں پناہ گاہ کی ضرورت نہیں، ٹی ٹی پی اور داعش پاکستان کے خلاف کارروائیاں کر رہے ہیں اور اس حوالے سے امریکا کو آگاہ کردیا گیا ہے کہ وہ ان تنظیموں کے خلاف کارروائی کرے۔

 

تہمینہ جنجوعہ نے مزید کہا کہ امریکا کو بتا دیا ہے کہ قابل عمل انٹیلی جنس معلومات پر کارروائی کی جائے گی ،بھارت کا خطے میں تھانیدار کا کردار پاکستان کیلئے ناقابل قبول ہے۔

تاریخ اشاعت : 2014-11-06 00:00:00
مقبول ترین خبریں
امیگریشن خبریں
SiteLock