ون نیشن اسلامک سمر کیمپ کی پروقار گریجویشن تقریب، قونصل جنرل راجہ علی اعجاز کی خصوصی شرکت

 

نیویارک (خصوصی رپورٹ) پاکستانی امریکن کمیونٹی نیویارک کی ایک اہم سماجی تنظیم ون نیشن کے زیر اہتمام اس سال اسلامک سمر کیمپ منعقد کیا گیا ۔ دو ہفتے تک جاری رہنے کے بعد اس سمر کیمپ کی پروقار گریجویشن تقریب گورمے ریسٹورنٹ میں منعقد ہوئی جس میں قونصل جنرل راجہ علی اعجاز ، کیپٹن وحید اختر سمیت سمر کیمپ کے سکالر علامہ مقصود احمد قادری سمیت ون نیشن کے عہدیداران نے خصوصی شرکت کی ۔۔تقریب میں سمر کیمپ کامیابی سے مکمل کرنے والے سٹوڈنٹس کو قونصل جنرل راجہ علی اعجاز نے ون نیشن کے عہدیداران اور معروف اسلامک سکالر علامہ مقصود قادری کے ساتھ ملکر اسناد پیش کیں ۔


سمر کیمپ میں بچوں کو نماز ، روزہ، حج ، زکواة،آداب، اخلاقیات سمیت اہم دینی ، دنیاوی و تعلیم امور کے بارے میں تعلیم دی گئی اور سٹوڈنٹس کی تربیت بھی کی گئی ۔سمر کیمپ کے ٹیچرز میں علامہ مقصود قادری ، علامہ قاری غلام رسول اور باجی نجمہ طاہر شامل تھے ۔تقریب سے ون نیشن کے چئیرمین ندیم اسحاق، یاسر ایوب ، قمر اقبال نے خطاب کیا اور ون نیشن کے جاری منصوبوں اور آئندہ منصوبوں کی تفصیل سے شرکاءکو آگاہ کیا۔ انہوں نے بتایا کہ آئندہ ماہ 6اکتوبر کو بروکلین میں بلڈ ڈرائیو کریں گے جس کی تفصیل کا جلد اعلان کریں گے ۔


ون نیشن کے چئیرمین میاں ندیم اسحاق نے تنظیم کی جانب سے والدین بالخصوص قونصل جنرل اور ان کی اہلیہ کا بھی شکرئیہ ادا کیا۔


 

تاریخ اشاعت : 2016-09-12 00:00:00
مقبول ترین خبریں
امیگریشن خبریں

SiteLock