کلثوم نواز کی کامیابی ، مسلم لیگ ہاو¿س نیویارک میں جشن فتح ، کیک کاٹا گیا، لڈو بانٹے گئے،نواز شریف کے حق میں نعرہ بازی

 

نیویارک (خصوصی رپورٹ) پاکستان مسلم لیگ (ن) یو ایس اے کی جانب سے بیگم کلثو م نواز کی لاہور کے ضمنی الیکشن میں کامیابی کی خوشی میں یہاں مسلم لیگ ہاوس میں جشن فتح منایا گیا جس میں پارٹی قائدین اور کارکنان نے نواز شریف سمیت پارٹی قائدین کے حق میں زبردست نعرہ بازی کی ، خوشی میں ایک دوسرے کو مٹھائی کھلائی اور کیک بھی کاٹا۔

 

انہوں نے ضمنی الیکشن میں بیگم کلثوم نواز کی کامیابی کو عوامی عدالت کا فیصلہ قرار دیتے ہوئے کہا کہ اس فیصلے میں عوام نے سب سازشی فیصلے مسترد کر دئیے ہیں ۔تقریب میں امریکہ کے دورے پر آئیں مسلم لیگ (ن) ویمن یوتھ ونگ سندھ کی رہنما زاہدہ بھنڈ نے خصوصی شرکت کی جبکہ مسلم لیگ(ن) کے عہدیداران روحیل ڈار، میاں فیاض، رانا سعید، احمد جان ، راجہ آزاد گل ،چوہدر ی پرویز اختر ، عبدالخالق اعوان ، ملک خرم ، راجہ رزاق،جاوید خان ،عزیز بٹ ، چوہدری غلام جیلانی ،بابر بٹ ، نادر بٹ ،چوہدری سلیم ، عبید الرحمن ، عذیر، حاجی اصغر ، امانت علی بوڑھے جال ، ملک دوست محمد ، اعجاز بٹ (نیوجرسی)، چوہدری عمران ، چوہدری حمید گجر، اختر بٹ ،محمد تاج خان ، راجہ ضمیر پوران ، طاہر سندھو، عبدل سمیت دیگر پارٹی کارکنان اور کمیونٹی ارکان شریک ہوئے ۔


اس موقع پر مسلم لیگ ہاو¿س مسلسل شیر اک واری فیر سمیت نواز شریف ، مسلم لیگ کے حق میں نعروں سے گونجتا رہا ۔ پارٹی ساتھیوںنے ملکر کیک کاٹا اور ایک دوسرے کے علاوہ کمیونٹی ارکان کو بھی مٹھائیاں کھلائیں ۔کارکنان خوشی میں بھنگڑے بھی ڈالتے رہے ۔


جشن فتح سے خطاب کرتے ہوئے روحیل ڈار نے کہا کہ اہل لاہور نے بیگم کلثوم نواز کی فتح کی صورت میں میاںنواز شریف کے حق میں فیصلہ دیا ہے ۔ عوامی عدالت کے فیصلے کے بعد اب کسی عدالتی فیصلے کی کوئی حیثیت نہیں رہ جاتی ۔


میاں فیاض نے کہا کہ میاںنواز شریف ، میاں شہباز شریف، بیگم کلثوم نواز اور محترمہ مریم نواز سمیت لیگی قائدین کو اوورسیز پاکستانی کمیونٹی کی جانب سے مبارکباد پیش کرتے ہیں ۔ اوورسیز پاکستانیوں کے لئے مسلم لیگ کے دور میں جو کام ہوئے ہیں ، اس کی مثال نہیں ملتی ۔


رانا سعید نے خطاب کرتے ہوئے کہا کہ انشاءاللہ کامیابیوں کا سلسلہ جاری رہے گا اور سازشی عناصر اور عمران خان سمیت ان کے آلہ کاروں کی سیاست اپنی سیاسی موت آپ مر جائے گی ۔ انہوں نے کہا کہ امریکہ میں بسنے والی کمیونٹی پاکستان میں عوام اور عوامی حکومت کے ساتھ ہے


احمد جان سمیت دیگر نے کہا کہ اہل لاہور نے مسلم لیگیوں کے ہی نہیں بلکہ پاکستان اور قوم کی ترقی کے حامیوں کے سر فخر سے بلند کر دئیے ہیں ۔ ۔

تاریخ اشاعت : 2017-09-18 00:00:00
مقبول ترین خبریں
امیگریشن خبریں

SiteLock