اداکارہ میرا 'اچھی بہو' بننے کے لیے تیار

ایک اچھی بہو بننے کے لیے لڑکیوں میں کن خوبیوں کی ضرورت ہونی چاہئے ؟ اس کا جواب اداکارہ میرا سے جانیں۔ اداکارہ میرا گزشتہ دنوں عامر لیاقت کے رمضان شو 'گیم شو ایسے چلے گا' میں شریک ہوئیں جس میں ان سے پوچھا گیا کہ وہ اچھی گھریلو بہو بن سکے گی یا نہیں تو اداکارہ کا جواب تھا یقیناً۔ 

 

اس کے بعد میرا نے ایک اچھی بہو کے لیے 'خوبیوں' کو گنوایا۔ ان کا کہنا تھا ' میں کھانا پکا کر ، کپڑوں پر استری، کپڑے دھو کر، پانچ وقت کی نماز، لوگوں کے لیے نیک خواہشات اور ماں بن کر اچھی بہو بن سکتی ہوں'۔ اس موقع پر جب عامر لیاقت نے میرا سے پوچھا ' کیا آپ فرش پر پونچھا بھی لگائیں گیں؟' یہ بھی پڑھیں : میرا نے اڑایا مداحوں کی انگریزی کا مذاق اور میرا نے کہا ' ہاں پونچھا بھی لگاﺅن گی، کمرہ صاف رکھوں گی، شوہر کے پیروں کی مالش کروں گی، ساس کا خیال رکھوں گی، انہیں صبح چائے اور ناشتہ دوں گی، نماز کے لیے اپنے سسر کو اٹھاﺅں گی'۔

 

اس ساری گفتگو کا مقصد عامر لیاقت نے یہ بتایا کہ میرا کے لیے ایک اچھے شوہر کی تلاش کی جاسکے۔ تاہم یہ گفتگو وجہ تنازع بن چکی ہے کیونکہ کچھ لوگوں کے خیال میں میرا نے بہو کو نوکرانی جیسا بنا کر پیش کیا ہے جبکہ کچھ لوگوں کو اس طرح کی گفتگو لائیو پروگرام پر دکھانے پر اعتراض ہے۔

تاریخ اشاعت : 2016-06-11 00:00:00
مقبول ترین خبریں
امیگریشن خبریں
SiteLock