شاہد حمید خان کا دورہ برطانیہ اور ترکی ،تاریخی مقامات کا دورہ ، اہم شخصیات سے ملاقاتیں

 

دورہ برطانیہ کے دوران نارتھ ہیمپٹن کے مئیر، ہائی وائی کومپ کے مئیر ،لارڈ نذیر احمد اور کونسلر نارتھ ہیمپٹن سے ملاقاتیں کیں، ایم این جی اوز کے قائدین سے بھی ملاقاتیں کیں


دورہ ترکی کے دوران استنبول میں احمد سلطان مسجد،استنبول میوزیم ، استنبول یونویرسٹی کا دورہ کیا ، سلطنت عثمانیہ کے تاریخی مقامات بھی دیکھے


 اوورسیز میں بسنے والی کمیونٹیز میں باہمی روابط کو فروغ دے کر مشترکہ مقاصد حاصل کئے جا سکتے ہیں، شاہد حمید خان کی دورہ برطانیہ اور ترکی کے بعد نیویارک پہنچنے پر بات چیت

لندن ، استنبول (خصوصی رپورٹ) پاکستانی امریکن کمیونٹی بروکلین (نیویارک ) کی معروف سماجی شخصیت ، الائنس فار اردو سٹڈیز اور نیشنل یوتھ آرگنائزیشن آف پاکستان کے ایگزیکٹو ڈائریکٹر شاہد حمید خان برطانیہ اور ترکی کا دورہ مکمل کرکے واپس نیویارک پہنچ گئے ہیں ۔

 

دورہ برطانیہ اور ترکی کے دوران انہوں نے دورہ برطانیہ کے دوران آکسفورڈ یونیورسٹی ،یو این جی اوز کے حکام ، نارتھ ہیمپٹن کے مئیر، ہائی وائی کومپ کے مئیر ،لارڈ نذیر احمد اور کونسلر نارتھ ہیمپٹن ، نعیم ملک سے ملاقاتیں کیں جن میں باہمی دلچسپی کے امور ، اردو پروگرام اور امریکہ اور برطانیہ میںمقیم پاکستانی کمیونٹی کے اہم معاملات زیر بحث آئے

اسی طرح دورہ ترکی کے دورانشاہد حمید خان نے استنبول میں احمد سلطان مسجد،استنبول میوزیم ، استنبول یونویرسٹی کا دورہ کیا اور اہم و تاریخی مقامات بھی دیکھے ۔ شاہد حمید نے کہا کہ اگرچہ میرا دورہ نجی نوعیت کا تھا تاہم یہ دورہ بہت اہم و معلوماتی اور مفید ثابت ہوا۔ انہوں نے کہاکہ اوورسیز میں بسنے والی کمیونٹیز میں باہمی روابط کو فروغ دے کر مشترکہ مقاصد حاصل کئے جا سکتے ہیں۔

تاریخ اشاعت : 2017-10-10 00:00:00
مقبول ترین خبریں
امیگریشن خبریں
SiteLock