بھارتی وزیرخارجہ سشما سوراج کا دیوالی کی خوشی میں علاج کے منتظر تمام پاکستانیوں کو ویزے جاری کرنے کا اعلان

نئی دہلی(مانیٹرنگ سیل) بھارتی وزیرخارجہ سشما سوراج نے دیوالی کی خوشی میں علاج کے منتظر تمام پاکستانیوں کو ویزے جاری کرنے کا اعلان کیا ہے۔سماجی رابطے کی ویب سائٹ ٹویٹر پر اپنے پیغام میں بھارتی وزیرخارجہ سشما سوراج کا کہنا تھا کہ دیوالی کے پرمسرت موقع پر بھارت تمام زیرالتوا کیسزمیں طبی ویزے جاری کرے گا۔ جب کہ بھارتی وزیرخارجہ نے اپنی ٹویٹ میں پاکستان میں تعینات بھارتی ہائی کمیشن کو ٹیگ کرتے ہوئے ہدایات جاری کی ہیں کہ علاج کے منتظر پاکستانی مریضوں کو ویزے جاری کئے جائیں۔ واضح رہے کہ متعدد پاکستانیوں نے بھارتی وزیرخارجہ سشما سوراج کو ٹویٹر پر درخواست کی تھی کہ انہیں بھارت میں علاج کے لئے ویزے جاری کئے جائیں جس پر سشماسوراج نے بھی جواب میں ویزے جاری کرنے کی حامی بھری اور ان سے کہا کہ آپ تمام لوگ اسلام آباد میں بھارتی ہائی کمیشن سے رابطہ کرسکتے ہیں ہم نے انہیں ویزے جاری کرنے کی اجازت دے دی ہے۔

تاریخ اشاعت : 2017-10-19 00:00:00
مقبول ترین خبریں
امیگریشن خبریں
SiteLock